試左幾間亂入既餐廳都好有驚喜,
有時自己既直覺可能仲準過睇openrice,哈哈。
佢係一間西班牙餐廳,
裝係唔算好grand,但有一絲簡約既型格。
Menu選擇都唔少,
由其是TAPAS真係好多種類,所以都心大心細研究左一陣。
先黎一個tapas食下,
本來以為係燒八爪魚切片,再加D sauce,
完全估唔到個賣相係甘精緻。
八爪魚一D都唔老,唔會食香口膠甘,
不過最正都係底下既薯蓉同墨汁,
平時食墨汁意粉,多數都好似係食色,
唔會真係食到墨汁既味道,
但呢到,真係食到墨魚汁既香味同鮮味,
加埋面頭甜甜地既紅椒,成個配搭味道好豐富,
係有用心思配搭過既菜。
店員強烈推薦佢地既Scallop他他,
但可惜我唔鍾意食生野,所以就轉左試下呢個pan fried Scallop喇。
帶子煎到半熟又鮮甜呢D就唔多講,
最正既又係佢既配搭,面頭加左煎脆左既煙肉,
煙肉既香同脆,同帶子既鮮甜有好大對比,
不但令口感更豐富,亦令味道更有層次,掂呀!!
一梳梳既鮮拆蟹肉,真係見到都開心,
Pasta軟硬控制得好好,
掛滿酸酸甜甜,又充滿鮮味既醬汁,
雖然好簡單,但已經令人好滿足。
其實個ribeye我地係點5成,
所以係有少少熟左D,不過都無減佢既美味,
牛扒$198呢個價唔算貴,但肉味好濃郁,
而且肉質去到差唔多7成熟都好嫩,唔錯。
不過最令人驚豔既唔係牛肉,係隔離D配菜,
件薯塊煎得好乾身,完全感覺唔到有油,
而且食材好有質素,食落好有薯香,
當你食完幾件牛,覺得好膩,
食番件薯仔,成件事即刻BALANCE番哂。
成餐飯每一道菜都做得好好,
係由頭到尾,由主食到配菜同sauce都好滿意,
唔好睇少D配菜,如果一間餐廳連配菜都甘認真對待,
佢地既廚師一定係好細心,好有要求。
加上呢到價錢真係唔算貴,服務又好,我一定會再去幫襯,
希望佢地可以KEEP住水準,誠意推介比大家!!
地址: 灣仔皇后大道東137號
電話: 5993 5442