呢間THE NIGHT MARKET一開就開左3間,
聽朋友講話D食物都唔錯,就去左中環分店試試喇。
但比起一般既台式餐廳,就已經好豪華。
而且餐具仲係搵人專門設計,好有心思。
先黎叫個小食食下先,
鹽酥雞炸得夠乾身,唔會好多油。
但入面雞肉就仍然嫩滑。
可能我個人比較重口味,
覺得可以再重味少少,而家反而似普通炸雞。
提起台灣野又點可以冇蚵仔煎,
呢到既蚵仔好大粒,而且唔會好重腥味。
但個粉好似太多,好大部分既位都只有粉,食唔到有料,
平日我唔多食苦瓜,
但呢個真係好食到停唔到口。
炸過既苦瓜再加上大量既咸蛋黃,
咸蛋黃既店香減淡左苦瓜既苦澀味,
但同時苦瓜又平衡番咸蛋既油膩,
估唔到呢2樣野可以甘夾甘配合。
首先酸菜個湯做得唔錯,咸酸味道好平均,
當中又帶少少少少既辣,好好味。
店家好落本甘用左銀雪魚黎做酸菜魚,
食落又滑又香,送飯一流。
魯肉飯夠肥,抵讚。
不過個汁既五香味唔夠重,食落好濃既醬油。
另外要讚既係佢地個飯,
用左珍珠米黎煮,粒粒都甘圓渾,
對於飯筒黎講,真係食得好開心。
呢到既珍珠奶茶應該用左JASMINE TEE既做茶底,
所以飲落好清香,唔似出面果D好濃味,唔錯~
注重健康既朋友仔真係岩哂。
加上服務好好,
每個店員都細心,而且超有禮貌。
如果你想食台灣野,但又同時想坐得舒服D,
呢到都係一個唔錯既選擇。
地址: 中環士丹利街11號6-7樓
電話: 2810 1121