我一向都只係介紹食物同餐廳
所以當你見到呢到無啦啦會有一篇美妝文既時候
可能都會覺得好好奇
其實我都係一個好平凡既女仔
除左鍾意食野之外,都好鍾意打扮呀扮靚呢d女仔野
所以甘耐以黎其實一直都好想同大家share下扮靚心得
但因為個人懶啦,同埋好多食左既野都未介紹
所以一直都的唔起心肝去開始分享美妝保養既野
一) 呢隻產品真係好好用,好用到我覺得大家都應該要知道
二) 我發現身邊好多朋友都有頭髮護理問題,所以想同大家分享
而呢隻產品就係Alterna Bamboo Shine Luminous Shine Shampoo
講隻產品有幾好用之前,我先講講我既髮質
我頭髮係天生loon,而且髮質比較粗同硬
升上中學後經過無數次既電染,天生loon既情況好左
加上而家識打理,加上吹整,頭髮望落都係直順既
不過只要天氣一潮濕或者落雨,就會好毛燥
另外我頭皮比較多油,就算係早上洗左頭
一到下午個頭就會開始出油,d頭髮就會塌哂,貼哂甘
因為本身頭髮既問題比較多
所以我都試過用好多唔同既產品
貴既平既,化學既有機既都用過
但始終都係搵唔到一隻
可以令我頭髮順滑,但同時頭皮又清爽既產品
直至我髮型師介紹左alterna比我
髮型師聽到之後就好貼心甘比左d sample我去旅行果時用
果包sample就正正係alterna既Bamboo Shine Luminous Shine Shampoo
當時4月去台灣,日日都30幾度(真係熱到熔)
仲要成日無啦啦落大雨
熱啦,潮濕啦,落雨加埋出汗
以我髮質黎講,個頭應該係會立到痴線
但果幾日竟然可以keep到唔太立
(即係我講完全無油係呃你既,無油都有汗啦)
但真係比起平時既狀態好好多
甘我就醒起,係wor,我用左隻唔同既洗頭水
番到香港當然即刻入手兩支
由6月中用到而家,仲剩番1/4支
(拿,有圖有真相呀,唔會試用文黎架)
以日日洗頭黎計,其實都幾襟用
而且頭皮出油情況真係改善好多
就算出成日街,個頭都唔會貼哂
用出面果d岩油性髮質既洗頭水咪得lor
但問題係,我地而家成日都電染吹
其實就算本身係油頭,但頭髮都會好乾好旱
出面果d所謂for油性髮質既洗頭水
大部分都dry到好似支洗潔精甘
用完之後頭髮會好似枯死哂,無生命甘
而alterna最正就係做到,夠力清潔你頭皮既同時
亦令你既頭髮變得soft左,有彈性左同埋有光澤左
個分別係連男友都會睇得出
加上alterna不含硫酸鹽或硫酸鈉成份
即係會減低敏感同損害毛囊既機會
雖然篇文有d長同埋好似有d誇張
但呢個心得真係我用左差唔多兩支之後得番黎既
好希望呢個Share可以幫到有同樣問題既SIS
因為我真係明要尋覓一支岩用既洗頭水果種慘況
雖然價錢係有少少貴 (大約$150-200/250ml)
不過平但唔岩用,咪一樣係浪費
我暫時唔多見香港有得賣
如果你都有興趣既,可以搵下d專賣頭髮用品既店
又或者上網search下 (我都係online shop番黎)
(不過廢時開名,又比人話賣廣告啦)
希望大家都中意我呢個分享啦
*不過都帶左頭盔先,髮質呢D野個個人唔同
我岩用唔代表你岩用,所以以上分享只係個人意見
用左唔好,唔好搵我算帳呀!