難得有時間約好朋友見面
就去左呢間早排都幾HIT既飼說到試下
例如店主將一個角落整到成間睡房甘
唔知有冇人真係會食食下去左恰下呢?哈哈
呢到每杯飲品既名都好得意
由其是花茶名,好似有昨天燥底,昨天破聲等等
一睇就知杯花茶有咩功效,有創意又實用
set lunch會送沙律,湯同埋餐包
南瓜湯味道比較淡,但飲得出係新鮮自製
唔似出面d罐頭湯甘重味又多味精
沙律菜夠新鮮,而且佢個sauce有d柚子味
所以食落好清新,又唔會太酸
餐包係最有驚喜既
就甘睇以為個包會好dry,但食落好鬆軟
而且入面有d蕃茄乾同埋香草
就甘食就已經好夠味,有水準
可能係有芝士又有甘厚既漢堡扒,望落真係好吸引
餐廳用左比較重味既車打芝士片
雖然唔會好似mozzarella甘拉到絲
但芝士味就會濃郁好多,岩哂d芝士迷
而個漢堡扒都唔會煎到好鞋
但調味方面個人覺得可以重手少少
而家正係食到肉味,感覺有d單調
我當日因為想食辣野,就叫左呢個泡菜飯
本身個飯底係拌左雜菌醬汁
雜菌醬好香,但唔好見佢深色就擔心佢會好咸
因為飯會令個味淡d,所以係岩岩好
加埋辣辣地既泡菜一齊食都幾夾
黑豚亦用韓式醬料腌左黎炒
但可惜炒得乾左少少,食落有d韌
叫餐可以以半價配埋飲品
呢杯天王星梳打其實即係有色既lemonade梳打
雖然味道無咩特別
不過佢個色又真係幾賞心悅目既
呢杯smoothie真係會令人少女心大發
佢個名叫柚子,以為杯野一定會係黃/橙色
估唔到竟然會係甘夢幻既粉紅色,真係好靚
柚子味都幾重,而且唔會過甜/酸,都唔錯
而且又唔係好貴,都幾難得
雖然食物質素我覺得仲有進步空間
不過呢到都值得一試既
由其是你想同朋友靜靜地hea下/傾計既時候
地址: 銅鑼灣怡和街42-44號華人銀行東區大廈2樓
電話: 92274664