但竟然拖到而家先記得要打REVIEW,
遲係遲左D,不過好食既野,遲左都一定要介紹比大家。
先黎要個泰式炒通菜先,
個菜落左好多辣椒同蒜一齊炒,
雖然落左好多辣椒,但辣度唔算好勁,
最重要係勁有獲氣,所以成件事真係香到不得了,
食落通菜仲係好爽,
其實正係用呢碟菜都已經可以送一碗飯。
平時早餐果D奄列就食得多,泰式既都係第一次食。
同平時唔同既係,呢到個蛋似係半煎炸,
所以食落外面會少少脆,但入而就好似好多空氣甘。
最正既係,佢真係落左勁多蟹肉係入面,
蟹肉既鮮甜配埋雞蛋真係好夾好好食。
炒河粉雖然望落好似好多油,
不過食落又唔會覺得勁油膩。
炒河一樣係好夠獲氣。
不過呢個河粉真係好辣,
所以唔食辣既朋友仔,真係要諗過先點呀!
食左甘多重口味野,飲番杯話梅梳打,
真係又下火又爽!!
Young coconut ice cream $58
大家記得要食呢個雪糕,
椰子味好重,而且好滑,
加埋D 粟米粒,花生粒TOPPINGS真係勁好食。
(不過我唔記得影相,SORRY)
呢到既食物,味道真係好正宗,
感覺就好似去左泰國食野一樣。
當日我地坐係BAR枱,望住個出菜位,
見到呀CHEF真係好認真,
所有出黎既食物佢都會CHECK一次,
一有少少唔OK就成碟會整過,
唔怪得知開張以黎都要排長龍。
因為佢係冇得BOOK位,建議大家如果想試,
就揀番平日7點前,甘就唔駛排甘耐喇。
地址: 灣仔石水渠街68號地下
電話: 2234 0001