因為有朋友住果到,所以先入左去搵佢食飯。
唔黎都唔知,原來第一城有甘多食肆,
朋友揀左呢間食上海菜既尚點。
而且好大間好闊落,
當晚星期5,去到7點30左右就已經坐滿哂人。
一睇MENU就決定要食呢個,
因為個賣相實在太吸引喇。
鍋貼本身唔算好高質,好正常既水準,
但因為加左金網,成件事真係好特別,
個金網真係好香好脆,點少少醋加埋個鍋貼一齊食,
確實係令平平無奇既鍋貼加左好多分~
四季豆炒得夠干身,唔多油
而且入面有蝦米黎炒,食落真係好惹味!!
年糕稍為軟左D,口感麻麻地。
不過呢到調味唔會太咸,味道方面係唔錯既!
無諗過$120竟然甘大鍋,
雖然個湯有少少味精,不過都算鮮甜,
雞肉唔算太鞋,餛飩亦鮮味,整體唔錯~
黑木耳露唔係甘多地方有得賣,
呢到既黑木耳露仲有落紅棗,
飲落有D棗味,甜甜地唔錯~
不過個人覺得可以整番稀少少,而家太杰其實有D似糖水。
其實食物質素雖然唔係好高,不過係收貨既,
而且價錢比起出面食真係好抵,
加上服務又好,店員個個都好好禮貌,
唔怪得知甘多街坊棒場,住果面既朋友可以去試下呀!!
地址: 沙田銀城街1-2號置富第一城1樓117A號舖
電話: 21435308