就所有餐廳都係好貴。
其實入面都有中價抵食既餐廳比大家揀架。
而呢間APINARA就係其中之一。
APINARA其實係泰國好出名既餐廳NARA所開,
餐廳裝修MODERN得黎又帶有少少泰國風情。
我地先叫左一個前菜食下,
一開頭食以為佢比錯左雞肉我地,
因為豬肉一般都比較鞋,但佢竟然整得好嫩好滑,都幾有驚喜。
沙嗲好香花生味,不過個人覺得甜左少少,不過用黎襯肉,都唔錯。
睇圖都FEEL到件豬頸肉好嫩,
同沙嗲一樣,雖然佢係燒過,
但食落一D都唔柴皮/乾。
如果怕熱氣仲可以夾住娃娃菜黎食TIM。
MASSAMAN CURRY係一種比較MILD既咖哩,
所以食落唔會好辣,而且會帶有好重既椰汁香,
不過個人覺得個咖哩甜味太重,反而香料味可以重番少少。
羊膝都煮得好林,用刀好易就可以界到D肉出黎食,都唔錯。
最後當然要食番D蔬菜,
好多時泰國餐廳調味都會好重手,
但呢到就冇呢個味道,炒得香,但唔會似食緊鹽。
蝶豆花飯 $20
個飯用左藍蝶花黎煮,
所以出黎會變左紫藍色。
不過味道其實都同普通飯係無分別,
純粹係食個創意同樣。
整體黎講都幾滿意,食物唔算碟碟有驚喜,
但STAFF有禮貌,加上坐得又舒服,
而且價錢又唔貴。
我地早食飯,後來埋單先知,
原來7.30前埋單仲額外有DISCOUNT,所以呢餐真係好抵。
大家如果想搵個得體DD既地方,
請人食飯或者傾下野,呢到都係一個唔錯既選擇。
地址: 金鐘金鐘道88號太古廣場2樓205號舖
電話: 3107 1888