估計係附近既上班族收工之後黎happy hour
本來都怕要好嘈甘食呢餐飯
好彩上到去2樓一d都唔嘈
環境同裝修有少少復古既味道,都幾有情調架
因為當日tea time食左d野,唔算好肚餓
所以叫得唔算太多野食
呢到既麵包好軟熟而且質感比較密
係我鍾意既類型
飽飽地所以叫條魚食下
呢條魚係用左印尼香料黎燒
外面魚皮燒得焦焦地
但入面既魚肉係十分之嫩滑
本來魚肉味道係比較淡
但加埋香料獨特既香味之後
就變得好惹味,好食
呢塊扒係近半年食過最好既其中一塊
牛味濃郁又夾雜住油脂既香
有肉既質感但唔韌
無論係肉質定味道都係十分出色
醬汁帶少少牛油、Cream同埋酒既味道
可以平衡番扒既油膩
令到本來好重味既扒變得light左
食多幾舊都唔會覺得濟,兩者配合得好好
另外叫左個side食
本來諗住都係得d什菜
點知竟然有通菜,果然係summer vegetable
通菜用左類似参巴醬黎炒
切成一粒粒仲特別爽口添
另外既牛油什菜都好好食
雖然用左牛油,但其實食落又唔多油膩
連平日唔多鍾意食菜既男友都係甘食
Mr & Mrs Fox真係一間好高質既西餐
無論係上次黎食甜品,定今次食dinner
我都覺得好滿意
另外我鍾意呢到既氣氛係比較causal
唔會好似出面d fine dining甘好拘束
如果你有d特別事件想慶祝
例如拍拖紀念呀,生日呀甘
呢到會係一個唔錯既選擇
地址: 鰂魚涌糖廠街23號地舖
電話: 2697 8500