而且環境氣氛都唔錯
當日行行下街突然醒起,所以就上左去試下喇
好好彩地甘岩有張吉枱
呢到燈光暗暗地,都幾有情調
但佢個氣氛唔係嚴肅/靜英英果D
所以就算大班朋友上去,都唔駛怕會傾唔到計
有湯,前菜,主菜同甜品,都幾抵WOR
上菜果下真係有D驚
因為好似好少見D甘既色既湯
其實我個人平日唔好西芹
但好彩個湯既西芹味唔會好重,係接受到既
而且入面會有D打碎左既菜粒
有D咬口,都幾得意
白酒既甜味同蜆既鮮味真係好夾
雖然D蜆唔算好大粒
但味道都幾鮮美,而且無沙
作為一個前菜,開下胃係唔錯既
類似egg benedict但無左個包同埋三文魚
露筍爽甜無渣,幾好
但個hollandaise sauce味道太淡
比個蛋黃搶哂味,有D可惜
見唔見到上面D八爪魚有幾靚
食落口有烤過既香味,而且肉質夠嫩
完全唔駛擔心咬唔開
飯既軟硬度掌握得好好
不過如果你係同唔熟既朋友黎就唔好食呢個
因為食完成口都黑哂,都真係會有少少尷尬
Sea bass好大件,但煮得有少少過熟
所以D肉就鞋左少少
但上面放蝦一齊焗呢個做法幾smart
因為蝦油同埋蝦味會流落魚到
令本來比較淡口既魚,味道豐富好多
我地加$要左Brownie
呢到既Brownie入面加左d nuts
口感上黎講係豐富d
但個人覺得甘反而破壞左brownie原來既口感
右手面味道係似MOJITO
但係加左蘋果味既MOJITO
飲落幾清新,幾refresh
而chocotini係店員落力推薦
味道有少少似淡味d既朱古力mousse
飲落口幾滑,都幾岩女仔飲
總結成晚既食物唔錯
雖然未去到超好食既地步
但以呢個價錢黎講,係絕對收貨
服務亦都好週到
我諗如果你有朋友生日或者想同另一半食好d
但係又有budget限制,呢到會係一個唔錯既選擇
地址: 銅鑼灣恩平道42號亨利中心7樓
電話: 2778 9877