不過甘岩有朋友新居入伙,
所以睇完新屋就同佢落左樓下開餐。
係門口見到呢張MENU,又幾吸引,
所以就入左去試下喇。
(因為當時唔記得影,圖係餐廳FB搵番)
但我想食牛多D,所以就揀左和牛磯燒餐($598)喇。
另外餐廳既裝修同餐具都幾靚呀~
沙律唔算有驚喜,
都係好STANDARD既青瓜蟹柳,
不過跟餐黎講,份量都算幾大份。
我唔食刺身,不過都覺得擺得幾靚,
朋友話魚生幾厚切,質素都唔錯。
個拼盤同MENU張圖有90%相似,
估唔到$600一個SET可以有成6種牛,
仲要每種都有甘多份量。
最好食當然係A4鹿兒島和牛,入口充滿油香。
另外牛助肉同牛角切都唔錯,牛味重,而且有D咬口。
三文魚炒飯幾乾身,
而且蟹籽同三文魚比得好多,真係啖啖都食到。
地點有D偏僻,
同埋感覺係有D港式日本料理,
不過$600有甘多野食又真係幾抵,
住大角咀既街坊可以一試。
地址: 大角咀中匯街61號中星樓地下5號舖
電話: 2810 6255