話說小公主都沉迷左一排
果時聽朋友講話上環可以捉到比卡超
所以特登收工過去食飯,碰一碰運氣
行到好肚餓既時候見到呢間JACOMAX
個樣好似都唔錯,而且D PIZZA係即場做既
所以就入左去幫襯喇
烤雞翼味道有D似蜜椒
可惜雞翼本身無點醃過
食到入面味道好淡
既然PIZZA係即叫即做,就當然要試下啦
PIZZA皮係幾薄,食落都好脆
不過放一陣之後有少少硬
所以記得要快D食呀
餡料方面最特別係佢落左個蛋係中間
有蛋既PIZZA我都好似係幾一次食,都幾有新意
意粉個SAUCE係一個好傳統既意式SAUCE
用左最基本既煙肉,蕃茄同埋芝士黎整
雖然簡簡單單,但煮得好一樣好好食
店家用左好多新鮮蕃茄仔
所以就算有煙肉同埋芝士
食落都唔會覺得好膩,唔錯
呢到仲有好多傳統既COCKTAILS同埋手工啤酒
男友因為當日未飲咖啡
所以就叫左杯IRISH COFFEE
雖然酒精有D高,不過入口都幾滑
餐廳其實幾大,幾岩同朋友黎食飯
而且呢到唔似出面D BAR甘嘈
同朋友一路食飯,一路飲番杯傾下計就最岩
BTW,我真係食飯其間捉到比卡超
大家如果想捉既不妨去試下
地址: 上環永樂街38-42號東成商業大廈地下C舖
電話: 2851 4688