本來我地以為係一碗既沙律,入面有好多切碎沙律配料果種,但黎到唔係咁,只有沙律菜,幾片蕃茄同青瓜,加少少黑醋,講真有D單調同埋有D似伴碟菜既大碟版,但勝在D沙律菜都幾新鮮。
店主推薦既黃金雞翼,用壓碎咸蛋黃+牛油煮成既黃金汁沾滿炸雞翼上面,炸雞翼切開左做單骨,更加易食,皮脆肉嫩,加埋個汁少少CREAMY又有咸香,真係食到停唔到口,超好味。
見到呢個U.S GAME HEN,未試過,一於試下,可能係野雞既關係,肉質真係幾結實但又唔會鞋,仲有少少肉汁,雞肉調味做得好好,唔會淡茂茂,配埋黑松露醬食更加香,而且我好欣賞個配菜紫薯蓉加鵪春蛋,薯蓉香滑中有脆脆既脆米粒,加埋鵪春蛋一齊食更濃滑,口感好豐富。
店員介紹呢個日本自然豬係放養,而且自己係田度食新鮮蔬果長大,D肉既MARBLING都好靚,叫我地試下。肉質食落真係幾JUICY同埋肉同豬油分佈好似一比一咁,好聰明配上酸酸甜甜既山楂汁減低油膩感,伴菜有黑椒炒菠菜 有少少辣,我都係鐘情個紫薯蓉多D,真係好好味~
呢間小店好有驚喜,食得出食材本身質素好同新鮮之外,調味同煮法都恰到好處,每個菜式都好平均,價錢合理,講真比起好多高價位西餐更好,而且氣氛好CHILL好RELAX,店員又好NICE,下次去開灣仔一定再ENCORE!
地址: 灣仔石水渠街64號地下1號舖
電話: 3565 6732