所以好早之前就已經好想試心夜來潮
不過唔知點解次次都就唔到時間去食
咁岩今日約左朋友仔係荃灣食飯
又咁岩心夜來潮原來開左新分店係荃灣
咁就梗係要去試下啦
同三陂坊其他既食店好唔同
連餐牌,餐具都係訂製,真係好有心思
不過啤酒都係唔小得既
最得意既係呢到飲啤酒唔係用杯
係好似古裝片咁用碗,即時勁有風味 哈哈
一提到潮汕野,又點少得牛丸丫
店主話d牛丸係由汕頭送過黎
咬落去真係彈牙又有牛肉香
雖然唔算好多肉汁,不過已經好食過平時果d
另外我地仲叫左個肉丸
肉丸形狀不一,質地同平時食既差唔多
但味道就好唔同
唔知點解食果時我覺得有d腐乳味
唔係唔好食,不過好似有d怪
食第一啖我以為自己食緊薯餅
真係好脆,好香
而且係一口size,拎黎送酒真係一流
係出面未見過,所以試下
食落好香南乳味,用黎送酒又係一流
不過略嫌炸得乾左d
d比較薄既位有少少柴皮
朋友同我一樣咁鍾意食豆腐
豆腐夠滑,但豆味唔太重
個汁有少少辣辣地
加埋d炒過既肉碎,好適合用黎撈飯
通菜夠嫩,炒得夠獲氣
炒米好好食
雖然只係好簡單放左d芽菜同蛋黎炒
但炒得夠乾身夠香
而且米粉唔會碎濕濕仲好彈牙
建議大家一定要試試
最後記得叫埋個免費既功夫茶
雖然要自己沖,不過咁反而幾好玩
而且食完飯可以飲番杯茶
不但可以清下d油膩感
仲可以同朋友慢慢傾下計,唔錯
朋友同我都好滿意
雖然d小食唔算大碟,但相對價錢都好平
岩哂我地d眼闊肚窄既朋友
而且由d細節位都睇得出餐廳係有心思
想將傳統既潮汕飲食帶比大家
下次黎三陂坊記得試下喇
地址: 荃灣三陂坊30號地舖
電話: 9578 5454