所以奉星期六日,小公主都會煲個湯滋潤下
前排日日落雨又潮濕
所以就煲左呢個健脾祛濕既鮮准山薏米合掌瓜湯
鮮准山同薏米都有好好既祛濕作用,而合掌瓜就可以滋潤解燥
所以呢個湯水好適合而家呢個天氣,同埋比較易水腫既人飲用
合掌瓜 3個
鮮准山 1-2條
豬展 半斤
薏米 1-2兩
姜 2片
清水 2500ml
做法:
1. 薏米用水沖洗乾淨,放凍水內略浸
2. 煲放凍水,加1片姜片及豬展,用中小火煮至水滾即可(即汆水)。姜片不要,豬肉撈起備用
3. 合掌瓜及鮮准山去皮洗淨,切成小件
4. 所以材料放入大煲中,加入清水,大火煲滾水後煲30分鐘,再轉中小火煲60至75分鐘,飲前加鹽調味,即可享用。
1. 鮮准山於街市菜檔有售,用水沖乾淨面頭既泥,再削皮就得。不過小心准山有d黏液會令手痕,削皮果時記得帶番手套。
2. 怕豬展多油可以改用瘦肉。
3. 如果鍾意食湯渣既朋友,記得鮮准山同合掌瓜都唔好切咁細件呀。
4. 其實煲湯唔似其他料理咁要好小心d份量,份量可以隨量加多減小,例如我鍾意食鮮准山,多數都會買2條,甚至3條。
*上文只是個人意見,如有任何疑問,請聯絡合資格中醫師或營養師查詢。