點知番到黎都正係掛住打香港d餐廳
隔左成個月先再有時間講番韓國
去過韓國既朋友都知
韓國人有幾中意飲咖啡
根本上去到邊都梗有一間coffee shop係左近
仲要間間都有唔同既特色
我諗係韓國正係行coffee shop都可以行一個月
話說小公主同團友們去完北村文化中心之後就行過去三清洞
當大家經過呢間café既時候
腳步已經不由自主甘行左入去
咁入得去就唔梗係唔只睇下,參觀下咁簡單啦
最後當然變左又買野食又買野飲仲坐低埋慢慢嘆
就好似佢個名咁
成間店主要用木同紅磚黎做裝修
配埋落地玻璃同打開左既窗
營造左一個超級開揚同舒服既環境
加上café另一邊係bakery,配埋陣陣麵包香
成個環境真係好舒服
仲要d麵包真係好好好好食
因為當時小公主已經將香港既一切拋開哂(包括個blog)
所以就唔記得要影相
因為我地有8個人,一人買一D
所以大家都可以試到好多野
有唔同既麵包啦,cake啦,咖啡啦
D麵包全部都曖笠笠又鬆軟,真係好好食
仲記得個cake d cream係勁香同軟滑
真係每一樣都好有水準
唔只café同bakery,其實仲有間餐廳係2樓
我番黎睇番資料
原來由1987年開第一家分店開始
直到而家,W&B已經係韓國有4間分店
而北村呢一間係佢地既旗艦店
我相信只有得到顧客既喜愛
先會有可能可以做到咁耐同擴充
如果大家黎開北村
記得花少少時間黎坐低食個包
因為真係好值得一試!!
電話: 02-747-1134
Website: http://www.woodnbrick.com
Facebook: https://www.facebook.com/woodandbrick