見呢到有間幾靚既韓燒,就入左去試下喇。
而且入面既壁畫全部都好靚,成間店比人感覺好有型。
佢地除左單點都有 SET,
我地叫左個$398既SET試下。
韓牛有4款,款款都甘吸引,
我同朋友都比較鍾意韓牛頸脊同埋下腹牛肋肉,
因為有脂肪得黎又重牛味。
除左牛之外仲有雞片,
雞肉就算燒耐左都仍然好嫩。
不過個調味就唔多夠,如果可以重手番少少會更好。
甘韓燒又點可以冇五花腩,
呢到既五花腩肥瘦均勻,
燒哂佢D油出黎再食,真係勁香,
唔好睇得3件好似好少,
其實再剪成一件件食,2個人都真係夠。
我覺得個湯既味道淡左少少,
如果可以辣D同埋濃郁D會更好。
最後店員會即席幫我地炒飯,
佢仲好有心機砌到個飯好靚,唔錯。
炒飯既味道雖然冇咩驚喜,
不過食完D肉,最後有D澱粉質落肚係滿足D既。
呢到個鐵板唔會痴底,唔錯。
而且抽風都做得幾好,食完個身都唔算太大味。
侍應行過又會睇睇我地D肉燒成點,服務都幾周到。
如果D肉可以腌下會更好,
因為而家就甘食,味道好似有少少寡,
不過$398有甘多野食係幾抵既,新界既朋友可以一試。
地址: 大埔舊墟直街4-20號美新大廈地下B2舖
電話: 3565 5032