甘做女朋友當然要帶佢去食下野,減下壓。
減壓最好梗係食番D COMFORT FOOD,
BURGER係我地其中一樣COMFORT FOOD,
甘就即時諗起Texas喇,呢到既burger真係食幾多次都唔會厭。
平時我地多數都係食佢個TEXAS BBQ,
但見佢出左新野就試下啦。
睇相都可以見到個包好鬆軟,
入面除左有好JUICY好好味既漢堡扒之外,
仲有磨菇,火腿同埋Raclette cheese。
Raclette cheese係軟身既芝士,芝士味無甘濃,
加埋牛肉同蛋黃醬個味道都幾夾。
不過我地就覺得火腿好似有d格格不入,
如果拎走左可能會再好食d。
我當日想食LIGHT少少,
而且食甘多次都未試過佢地既三文治,所以就揀左呢個牛油果雞肉三文治喇。
其實一開頭,都真係抱住試一試既心態,無咩期望。
但食左一啖之後,我真係即刻愛上左佢。
第一,比左勁多牛油果,對於一個牛油果迷黎講,真係好開心。
第二,個包烘得好鬆脆。
第三,塊雞真係好食到一個點,其實我個人真係好怕食雞胸,
但佢塊雞係滑到我以為自己係食緊雞脾肉,
而且塊雞唔會無味,一定係有事先調味腌過。
呢個三文治真係改變左我對雞肉三文治既想法。
雖然已經係第N次幫襯佢地,
但估唔到都仲可以有驚喜,
我深信我下次去會勁掙扎到底要食BURGER定三文治好。
大家有機會真係一定一定一定要去試下!!!
一路打呢篇REVIEW,就愈黎愈肚餓,我想食BURGER呀T.T
地址: 天后電氣道109號地舖
電話: 2805 7811