襯住夏天仲未到,小公主早排就同男友入左大澳行下
除左影下相、睇下水鄉美境咁當然唔小得食下野啦
其實我真係好耐無黎過
所以都係第一次黎呢間2012開幕既文物酒店
酒店原本係大澳警署,係為左打擊海盜而建
近年政府就將佢活化成為有9個房間既酒店
建築物由1902已經係建成,所以充滿住古典建築既味道
(因為當日唔記得拎相機,大家睇住官網相先)
餐廳以玻璃屋設計,自然光入到黎不突止
仲可以望下山望下海
成個感覺真係好舒服好Relax
我地當日係去食下午茶
酒店有英式afternoon tea set (即係三層架)
不過我地要留肚去掃街,所以就無叫到set喇
唔單止間酒店係希望大家可以了解大澳歷史
連餐廳既食物都將大澳既特色放埋入去
本來怕d雞翼會好咸
但原來個擔心係多餘既
雞翼外脆內嫩,帶有少少咸香,好好食
如果覺得蝦醬味唔夠都唔駛怕
因為連個mayo都係特製蝦醬mayo
一開頭都會覺得好奇怪,但兩樣野加埋又出奇地幾夾
豬肉腸唔膻,而且煎得唔會好油
薯蓉好creamy好滑
雖然兩樣野都好似好簡單
但係都無hea整,唔錯
紅樹林特飲用左大澳最出名既紫貝天葵黎整
底下啡啡地色既係蘋果汁
紫貝天葵酸酸地,都幾開胃
食物其實我覺得合格以上
不過我覺得去呢到食野最開心都係個環境
成件事好有渡假feel
平日番工番到個人又攰又緊張
星期六日就黎呢到放鬆下啦
地址: 大澳石仔埗街大澳文物酒店1樓
電話: 2985 8383