但真心,大部分都只係用哂佢地既心機係擺設上,
真係用心放係食物上面既CAFÉ,真係少之有少。
但COFFEEHOLIC係其中一間,
我覺得無論係食物,飲品,環境同埋服務都係100分既CAFÉ。
呢到既咖啡依舊係甘有水準,
香味十足亦唔會太酸,鍾意飲咖啡既必試。
入面用既並唔係菠蘿味既糖水,
而係菠蘿果醬,真係極有誠意,
加埋檸檬同梳打水,一飲真係透心涼呀~
沙律菜勁爽脆新鮮,
而入面除左菜,仲有好多配料,
值得一提既係入面既紅菜頭,
平日出街食,多數都只會用罐頭,
但呢到竟然係用新鮮既,真係好有heart。
另外慢煮無骨雞胸嫩到好似雞肶肉一樣,
加埋慢煮將香料既味迫哂入雞肉到,好食到不得了。
個汁煮得好食到好似去左間西餐廳食既一樣,
用黎點佢個墨汁麵包真係一流。
而豬寸骨燜得極林,用叉輕力一拉,
骨同肉就已經可以分開。
配菜旋風薯炸到好乾身又夠脆,
真係每一part都做得好好,而且同個主菜又好配合。
最後當然要食埋佢地呢到既BROWNIE,
朱古力味真係濃郁到一個點,但又唔會太甜,
而且做到BROWNIE果種外脆內綿密既質感,
出面唔係間間都做到。
COFFEEHOLIC真係每一次黎都唔會失望,
其實用料靚唔靚,新唔新鮮,真係一食就會食得出。
每一次黎呢到都感受到佢地對食物果種認真,
如果想食一餐有質素既BRUNCH,
記得一定一定要黎試下,真心誠意推介。
地址: 上環蘇杭街126-128號嘉寶大廈地下C號舖
電話: 3565 6774