小公主習慣去旅行前會做定功課
搵下當地有咩特色既餐廳
早排去峇里既時候都唔例外
一早就已經睇定要去邊到食野
不過到做Research既時候先發現
原來無咩香港人share去bali既資訊
所以去完旅行既我決定 一定要好好同大家share
等大家去bali之前,都唔駛甘無
餐廳外面畫哂好多好colorful既圖畫
真係好似一個馬戲班既入口甘
因為我係夜晚去,所以影得唔太清楚
大家可以參考下ig既相
加埋天花掛滿既燈泡
雖然未知d野好唔好食
但入到去,心情已經變得好好
炸魷魚粉漿好薄,唔會好似食緊粉甘
而且魷魚唔會縮水到無肉食同唔韌
豉油汁炸魷魚都幾夾
好適合用黎做餐前/佐酒小食
呢到既蝦好有鮮味
唔係果D大大隻得個爽字既蝦
而且用牛油同蒜頭煮過之後好香,正
麵包烘到微脆,但入面就好軟同有彈性
唔駛加任何野,就甘食都好好味
魚塊好新鮮,所以簡單用鹽同胡椒黎煎都已經好好食
加上魚皮煎得好脆,同嫩滑既魚肉形成對比
如果覺得正係食魚太寡,就可以加埋底下既配料一齊食
個汁帶少少酸同埋香草味,同個魚都好夾架
玩完一日,當然要叫D飽肚少少既野食啦
墨西哥薄餅入面夾住大量芝士,雞肉同埋甜椒
因為墨西哥薄餅好薄同埋烘過,所以食落好脆
但入面既雞肉同甜椒又好軟,口感好豐富
餡料既汁好好味,可能入面有D甜椒
所以就算加左好多Cheese都唔覺得膩
呢個Tortilla真係一定要試
Tortilla Chips就好似炸春卷皮甘
配埋我最愛既Guacamole
好食過薯條多多聲
其實係因為Sea Circus係一間fusion餐廳
所以佢既食物係帶西方,墨西哥同印尼既style
雖然係甘,但食物絕對唔會不倫不類
另外可能BALI本身多海產
呢到幾樣海鮮都好新鮮
加上價錢合理,環境有特色,服務又好
大家去bali玩既時候,記得去試下喇
地址: 22 Jl. Kayu Aya, Semintak, Bali
電話: +62 361 738 667
Website: www.seacircus-bali.com