所以就同屋企人出左去食飯喇
天文台道有新既商廈開左
入面仲有好多新餐廳,所以就去左試下喇
當晚食飯果時講起其實家姐就係o係紅磡果間擺酒
因為尖沙咀店真係好新,同埋配合大家擺酒用
裝修都比較高雅同grand
配埋落地長窗,雖然無海景睇,不過個感覺都好開揚
其實套餐都幾抵食,$200一位有湯有魚仲有翅
如果唔想諗叫咩菜,都可以試下
黎之前聽人講過呢到d湯幾正
點知menu睇黎睇去都搵唔到有湯
所以就問下店員,呀姐好爽快就話有湯呀
因為老火湯日日唔同,當晚我地飲既係日本南瓜煲雞
湯料切好仲要砌埋咁上枱,好有heart
日本南瓜食落爽爽地,有少少似合掌瓜
但係就再甜d,同平時食到既好唔同
味道好好,好甜,一d味精味都無
好有住家湯既感覺
最正既係,我地4個人去,每個人可以飲到2碗幾
而呢煲野竟然只係收$138
其實自己買料煲都唔只呢個價
黎呢到食飯記得一定一定要叫個湯
對腐皮食品無咩抵抗力
雖然佢個餡有好多料
不過腐皮太薄同唔夠脆,都有d失望
本來掙扎緊叫唔叫咕嚕肉
之後見到menu有呢個,就決定試下
第一時間梗係要試下係咪可以拔到絲先
果然係可以既,而且糖既比例好好,唔會太多,又唔會太少
係岩岩好夠裹住件肉
黑豚肉食落仲有驚喜,肉質爽中帶腍
個質地有少少似豬頸肉,但又再腍d
而且一d都唔油膩,必食推介!
魚扒厚肉而且得條主骨
就算老人家/小朋友都一定食到
魚肉嫩滑帶少少魚油既香味,好食
除左條魚,配角野菌都好好食
野菌片片都好厚肉同本身有調味
食落又滑又香又鮮,好食到唔知點形容
桃膠即係桃樹既天然分泌物
係呢一兩年既新興健康食品,功用有D似雪耳
都係有好多植物膠原,有養顏既作用
之前都有食過桃膠糖水,其實桃膠本身就無咩味道
所以呢到用濃湯黎煮,係好適合既做法
雖然主角只係好普通既菜心,但而家加左湯,桃膠同埋竹笙
就令成件事唔同哂喇,配搭得好好
鮮准山同荷蘭豆夠爽脆
百合新鮮又帶少少甜味
唔單止賣相好吸引,味道都一樣都好清新
美中不足既係羊肚菌可能比較吸味,所以咸左少少
雞肉唔單止有少少荷葉香
仲有d臘腸既香味
出面d滑雞多數都食到成口油
但呢到油既量係可以接受
而且每件雞都好滑
我唔知圍村係咪真係咁蒸雞
不過我以後一定會偷師試下咁煮
桂花糕用個心心碟裝住,又幾有心思
不過唔係好夠甜同桂花香,質素一般般
因為係即叫即燉,所以都要等成30分鐘
建議可以食飯食到一半就order定
鮮奶加埋梛青水一齊燉
食落夠滑而且甜味比較清新,正
擺碟同埋食物既配搭都睇得出係有花心思
另外要讚既就係服務,每個員工都好有禮貌
而且全部員工既儀容都好整齊
制服好直,女員工仲會化淡妝
雖然出去食飯,好食先係最緊要
但如果一間餐廳連呢d咁仔細既位都顧及到
你就可以知道佢地唔係亂黎,係有用心去諗每一個細節
其實係呢個區,呢個地段,價錢真係好合理
如果你想搵個舒服,有質素既地方食下中菜
小公主真心推薦你黎呢到試一試。
地址: 尖沙咀天文台道8號5樓全層
電話: 2736 8800