因為佢係九龍灣番工,所以就揀左佢公司附近既呢間火鍋店
裝修好GRAND好靚
而且座位勁闊落,所以唔會好大浸火鍋味
個人覺得如果可以用埋IPAD直接點菜就仲好
基本既醬料都有哂,比較特別係呢到有沙嗲醬
試左少少,好香花生味,唔會太辣
岩哂D重口味人士
湯方面我地揀左鴛鴦鍋
一面清湯,一面沙嗲
清湯果面本身已經有D白蘿蔔同豆腐
飲落唔覺有味精,唔錯
沙嗲又係好香花生味,帶微辣,好香
絕對唔係平時果D味精湯包
打邊爐點可以無肥牛
呢個手切肥牛勁新鮮
而且每一片都切得勁薄
基本上烚10秒左右就食得
不過個人覺得D牛有D瘦,可以再肥少少
雖然食起上黎都唔韌,而且牛味重
但我覺得肥多少少應該會再滑D
四寶有蝦丸,墨魚丸,牛丸同肉丸
全部都係自己打,所以食落好爽好彈
其中最好食既係牛丸
佢係入面加左少少陳皮一齊打
食落就好似飲茶果D牛肉球甘
但當然係更滑更彈啦
自家炸千層腐皮
口感好得意,因為佢外面炸到好脆
但入面就仲係鮮腐竹甘既質感
食落比起正係脆既響鈴更加有口感,值得一試
正係睇賣相已經覺得好好食
每一粒都漲卜卜,仲要皮薄到望到D料
肉同埋韮菜既比例岩岩好,味道都一樣係無得頂
上司好SWEET,記得我鍾意食粟米
呢到粟米都幾甜,而且一碟都幾大份
打完邊爐多數都會好熱氣
所以呢到有埋糖水比你叫
比你可以滋潤番下,真係好貼心
燉雪梨唔會太甜
而且成個雪梨甘上,好靚
真係好滿足
其實呢到食物既價格唔算好貴
出面好多火鍋店其實都係差唔多價錢
但食物既質素同服務一定唔會好似呢到甘好
仲有,呢到既STAFF真係值得一讚
佢地唔會係甘HARD SELL叫你食海鮮
而且服務超週到,根本上成晚無自己斟過野飲
雖然呢到個位置唔好太方便
不過好處就係唔會甘多人
就算打邊爐都一樣可以有好舒服既環境同可以傾到計
推薦比大家去試試
地址: 九龍灣啟祥道17號高銀金融國際中心1樓
電話: 3188 2667