我就多數會揀樓上CAFÉ
因為好耐冇見,一定會有好多野要share
而樓上café就可以比我地慢慢坐慢慢傾
今次揀左係尖沙咀既layback café
貪佢地點夠哂方便易搵
室內比較細,只係得3,4張枱左右
相對室外位置就比較闊落
你可以除鞋上去,然後好似係d日式屋仔入面甘坐
加上個area係室外,會有一種好舒服好relax既感覺
呢到有Set dinner,價錢已經包埋一杯紅/綠茶
蜆肉唔算大粒,味道比較淡
但冇沙又唔會好大陣雪藏味,都唔錯
露荀鮮嫩亦都無渣
加埋炸蒜同少少辣味,都幾開胃
不過略嫌個意粉有少少dry
如果可以加多少少橄欖油應該會更好
比起個意粉,呢個burger就幾有驚喜
秘製芝士汁係半流質
我估佢係加左d奶/cream黎開
所以芝士味唔會太重
不過甘樣食落反而唔會甘膩,唔錯
而漢堡扒都好juicy同有牛味
假如個包可以再烘熱少少就好喇
另外,薯條炸得好香脆,都好好食
傾計又點可以無小食呢
炸雞翼時間控制得唔錯
食落外面夠脆,但又唔太油
不過美中不足既係雞翼無咩味
飲品甜味淡淡地,好真
唔似加左好多糖果d死甜
而且水果同綠茶既味道都幾夾
係好岩夏天飲既清新飲品
其實layback食物雖然有改善空間
但總體都唔算太差
而且成個環境真係好舒適
店員又好有禮貌,完全唔怕食完要快d走
加上地點夠方便,真係一個同朋友傾計既好地方
地址: 尖沙咀加連威老道41號C-D嘉威大厦4樓B室
電話: 5993 4664/ 9217 1766