哈哈哈,講到好似好勁咁
其實係想同大家Share番上次去澳門入住既酒店ja
(又,點解11月去既澳門,到而家都仲未打得完-_-)
其實當時想去澳門,唔多唔少都因為新濠影匯既開幕
因為覺得呢間酒店有個摩天輪幾特別
而且新開張價錢唔算好貴,就諗住不如去睇下試下啦
但係當時我地因為太遲book,好多旅行社既package已經賣哂
所以就book左貴少少既巨星匯
大家一齊睇下官網d相先
其實新濠影匯係好似分左右兩翼咁
一邊係明星匯,一邊係巨星匯
明星匯既房間設計就會有D電影元素同Modern d
而巨星匯就係全套房式,而裝修就比較Grand d
咁睇完官網相呢,就睇下實物圖有無出入啦
大到開張枱食飯都仲得
而且有兩個洗手盤,咁就唔駛同人爭啦
我影相既角度拎得唔好
間房比睇相其實仲要寬敞得多
張床既size我覺得可以訓到4個女仔
茶包呢d基本野當時唔少得
要沖茶?當然無問題啦,一早已經安排好茶壺比你
而鍾意飲咖啡既朋友都有nespresso為你服務
唔知點解令我諗起Alice in the wonderland
其實同澳門其他既五星酒店一樣
都係充滿名店啦,同埋個燈光永遠都係永無天日咁 (哈哈)
即係你入左去之後係唔會feel到日頭/夜晚
不過呢到除左好多金碧輝煌既擺設之外,都仲有d特別既設計品
所以比起其他酒店好似無咁俗氣
整體黎講,小公主都好滿意間酒店房
始終好新,所以所有設備既質素都仲係好好
但係呢,reception既服務真係要改善下
因為佢地實在係太慢喇
我當晚係9點幾10點到,但足足等左20分鐘有多先check到in
但明明已經開左成有4,5個counter,而我前面只係排左2個人
(唔敢想像正常Check in時間會等幾耐)
去到check in既時候,staff好明顯唔熟手
好多野都要問另一個senior去confirm
另外,我地其實一早已經request左要late check out
而check in果時都都已經再double confirm
到第2日都係收到電話黎問點解你地仲未走既?
其實check in係客人對酒店既第一印象
做得好唔好真係好影響客人既評價,希望有關方面會交善下。
另外,我地係經旅行社買套票既
一晚酒店加2個人來回船飛同摩天輪,承惠$2400左右
差d唔記得講個摩天輪,我建議唔好抱任何期望咁去玩
同埋記得夜晚上去,因為日頭只會望到個地盤。
分享完畢,多謝 :D