一於約埋好朋友一齊去食川菜。
地點揀左駿景軒,因為身邊朋友食過都話質素好好,
而且仲係米芝蓮餐廳,甘就梗係要試試
枱同枱之間好闊落,就算隔離枱嘈D都唔駛怕。
前菜叫左個口水雞,
雞係咸雞,即用鹽醃過再蒸,
所以雞身會好滑同帶有少少咸味~
佢個辣油好香,辣味同麻味都好平均,
而且係另上,食唔到辣既朋友都唔駛怕啦~
多口問句佢地是日例湯係咩,
竟然係土伏靈,平時係街真係好少見有得飲,
所以同朋友一人黎一碗,
用料十足,個湯好甜,帶少少藥材味,
飲完真係成身又暖,喉嚨又舒服!
酸菜魚好有質素,
第一魚片岩岩熟,十分之滑,而且唔有浸泥味。
二黎個酸菜唔會太酸,好似食緊醋甘,
個味係岩岩好,令人愈食愈想食,
份量亦唔細,2個人食岩岩好。
呢個胡椒一上枱真係香到不得了,
每隻蝦都先走過油,
所以連個殼都脆卜卜好好食。
望落甘多胡椒好似有D得人驚,
但其實D胡椒係完粒,唔會好辣,
但D香味又比隻蝦吸哂,真係好特別~
本身想叫白飯,不過店員介紹話呢到既擔擔麵唔錯,
好啦,一於試下。
但最後係有少少失望既,
個麵底本身好滑,其實幾好食,
但弊在個湯底唔夠花生,香味唔夠,
希望店家可以改進下~
仲有一點要改善既係STAFF既態度,
例如我地話水唔夠熱,麻煩換一換,
但佢竟然話OK呀,唔凍呀,
同埋RECEPT姐姐都好無笑容,問多句野都唔想答甘,
雖然只係有一兩個STAFF有問題,
不過就已經可以破壞左用餐氣氛。
除此之外,成晚既菜式都幾有驚喜,
如果唔想再食粵菜,但又想食中餐,
呢到都係幾唔錯既選擇。
地址: 灣仔皇后大道東373號英皇駿景酒店1樓
電話: 29613330