見d lunch set同個環境都幾吸引
所以上星期日就同左男朋友一齊去試喇
裝修用左大量既木材,而且空間好大
所以成個環境好舒服,一D都唔局促
甘就更加開揚同光猛
每個set都會送埋湯,漬物,前菜,蒸蛋同甜品
最平既只係$68,唔知食物質素係點呢
男友叫既魚生飯
睇下D魚生幾令立立,望個樣都知新鮮啦
男友話所有野都好鮮甜
而最正係件海膽,甜得黎又Creamy
我都忍唔住試左小小,甜味真係好濃郁,正
我就叫左個最平既set試下
估唔到平set都一樣好好食
鯖魚燒得岩岩好,皮脆唔焦
而且條魚唔會有腥味/雪味
味道亦都唔會太咸
對得住呢個價錢有餘呀
味道帶少少酸,食落都幾開胃
蒸蛋夠滑之外仲有好多料
食飯期間店員不斷幫我地加茶
見我地放左個袋係地下
又會幫我地放係無人坐既櫈上面,好細心
呢到無論係環境,食物到服務都係極有水準
仲要價錢公道合理
所以我大力推薦比大家,一定要去試試佢地既lunch set
兩人食海鮮送支酒都係$500內
如果有朋友食唔到lunch,想試下晚餐
呢個set都係一個幾抵既選擇
地址: 尖沙咀諾士佛臺1號1樓
電話: 2602 2023