佢一直都話好想試埋韓宮d韓國菜
甘有一晚我地2個要ot,收工就一齊去食餐好喇
由燒肉到湯飯到泡菜鍋到醬蟹都有
仲加埋新開既炸雞,睇到我地花多眼亂
呢到既泡菜同小食味道好傳統
同去韓國食既一樣,唔錯唔錯
豆腐湯係我既至愛
呢到既豆腐湯用料好豐富
所以湯既味道唔會正係得個辣
而係食到有蜆既鮮,味道係有層次既
加上豆腐嫩滑又有豆香
不知不覺間就比我地兩個人食哂
有大細兩個size,細既就得半隻雞
個湯質地係杰杰地,證明煮得夠耐
人蔘雖然幾大條,不過蔘味就唔算重
水準中上,但唔算驚喜
我地2個女仔梗係要叫番隻豬手補補骨膠原
豬手個醬入面有d細細隻既蝦仔
同我係韓國傳統市場入面食到既一樣
豬手既皮食落煙煙韌韌,但又唔會覺得肥膩
但係個人覺得豬手個調味有少少怪
唔知係唔係佢個醃料入面有d藥材
所以食真d,會帶少少甘甘地既味道
店主係韓國人,好熱情
不時都會幫我地加水呀
走果時又問我地覺得d野食點
其實食物質素唔算差,而且坐得幾舒服
不過份量就好似有少少細
如果你都想食d傳統既韓國野,都可以去試下
(有興趣去試既朋友,可以黃埔站開通左之後去,就會方便好多)
地址: 黃埔新村民兆街16號地舖
電話: 2334 5567