所以收工就去左Join佢同埋佢既同事食飯喇
我地3個都唔多熟呢區
係開飯app見呢間火鍋店幾多人like
所以就去左試一試喇
不過燈光好光猛,d枱都排得好整齊
成個環境感覺唔錯
食物既種類都唔少
仲有大大個poster標榜食材新鮮
食下睇過有冇呃人先
醬料選擇唔算多
不過應有既都已經齊哂
未打邊爐之前叫個餐前小食先
食落先有花椒香,之後慢慢辣出黎
不過鴨舌唔夠爽口
呢到除左基本既火鍋湯底
仲可以叫雞煲同魚鍋
諗住魚煱無咁多肉,可以試多d其他野
所以就揀左魚煱
條魚先炸過,所以食落好香口
魚既肉質好滑,但又唔易散
(其實我問左個魚名,但唔記得左,so sad)
加埋個有少少辣既汁,真係好惹味
咁食火鍋又點可以唔食牛
睇相都知好新鮮啦
肥牛因為多油脂,食落滑d同油香多d
牛頸脊就肉味比較重
兩樣各有特色,但一樣咁好味
睇開我個blog都知我有幾鍾意食餃子
呢到既水餃唔錯,大大粒超多料
而且入面多菜少肉,仲有甘荀絲
食落有d甜味
可以平衡番個鍋既重口味,唔錯
墨魚滑真係打到起哂膠
我地畢出黎果時係一絲絲好膠身
熟左又爽又彈牙
點菜果時見到即刻tick左
食果時會咬到一粒粒鹹蛋黃
D咸香同比較淡味既墨魚丸好夾
有新鮮感得黎又好食
相影得唔好,其實total有3個菜
分別係生菜,唐嵩同埋西洋菜
3個菜都好新鮮
而且值得一讚既係佢洗得/揀得好乾淨
我同男友都係芋頭怪
雖然已經好多野食,但都堅持要叫
最後果然不負所望
個芋頭炸得超乾身同脆
我試過就咁食都好好味
而且芋頭本身好靚
食落去好粉糯,一食就停唔到口
見佢括住個首創所以就叫左
響鈴係新鮮現炸
不過炸得好乾身,而且唔油
咁脆卜卜就唔駛講
加埋個紫菜食落無咁寡,係幾特別
我地3個人食完都一致好評
食物夠新鮮,質素又好
特別推介一定要食個牛、炸芋頭同埋鹹蛋黃墨魚丸
另一點要讚既係店員,雖然好似得3個店員
但佢地每個都好好禮貌
不時會留意我地要唔要加水,有冇野食完要執
你要知而家好既服務真係難求
佢地既態度係真心impressed到我
雖然地點唔係太方便
不過都推介大家去試一試
地址: 土瓜灣美景街11至13號地舖
電話: 2634 6822