而且餐廳價格會比中上環平少少,
今次呢間Shop9我都係誤打誤撞之下入左去,
但估唔到食物又幾有驚喜。
同埋佢係有戶外既AREA,如果想搵地方飲杯野都唔錯。
未食正餐之前食個小食先,
因為唔想食甘多肉,就揀左呢炒野菌。
帶住0期望既心情下食,估唔到好有驚喜,
未上枱就已經閒到超香既牛油味,
係香到左右既枱都會望過黎睇下係咩既程度。
而且D菇一D草清味都無,仲帶少少白酒甜味,
真係食到停唔到口。
呢到有set dinner可以揀,而且價錢唔太貴。
跟餐可以揀沙律或者湯,我就揀左沙律。
平時出面D沙律多數都係生菜加D芝麻醬,
但呢到又有紅菜頭,又藜麥,都真係幾有heart!!
漢堡唔會煎到鞋哂,肉賣幾嫩,
係唔係和牛我就真係食唔出,不過又真係幾有牛味。
另外值得一讚既係薯條好乾身好脆,
唔係未瀝乾D油就放上碟,唔錯唔錯!!
本身無諗住叫魚,但店員不斷推介,
甘就一於試下啦!!
條魚外表就無咩特別,都係正正常常一條燒魚,
但食左一啖之後,我同朋友都即刻對望,
因為真係好好味呀!!魚肉勁嫩滑,
仲食到淡淡清新既香料味,
點埋果個辣辣酸酸既醬汁,
我覺得呢條魚比好多泰國餐廳煮得更好,
仲要價錢唔貴,真係超值得推介呀!!
呢到有好多手工啤酒飲,我最後揀左支cider。
呢支cider味道好清新,又唔會太甜好似飲糖水甘,
幾岩女仔飲。
成晚既野食都好滿意,
可以話係又抵又好食,
加上兩個店員超有禮貌,
呢間小店絕對會再次幫襯~~
地址: 西環第三街127B號恆輝大廈地下9號舖
電話: 28588210