今次甘岩入去探朋友,當然叫佢帶我去食D好野啦~
朋友話早排黎呢間酩鬼居酒屋食過,
D LUNCH SET高質得黎又抵食,所以就帶我去試下。
不過都見到佢地既裝修好有心思,
你睇下天花呢D裝飾佢整得幾靚。
LUNCH MENU都有成10款野揀,
由壽司,刺身到定食都有,
所以好似我一樣唔太好魚生既人都可以黎呀!
我地一人叫左一個SET,落完ORDER就先黎食前菜。
沙律菜好新鮮好爽脆,
不過最好食係粒車厘茄,真係又甜又Juicy。
但沙律都唔夠呢個漬蓮藕精彩,
蓮藕片爽脆,加埋甜甜辣辣既腌料,真係超開胃。
價錢唔貴,但係份量都十足,
壽喜燒個汁唔會太甜,夠味得黎唔會太濃,得。
而且牛肉好嫩,好有牛味,
雖然未去到入口即化果D Grade,
但$130有甘既質素已經值回票價。
連跟餐既蒸蛋都無馬虎架,
蒸蛋面頭有用左元貝黎開既獻,
食落好鮮味,加埋滑一滑既蒸蛋,真係無得彈。
朋友叫既刺身定食,
首先擺盤放得好靚,未食之前眼睛都已經夠享受。
你睇下連粒Wasabi都好有心機整得好靚架。
而且店家係刺身上面都有比心思,
好似蠔放左D好靚既JELLY粒粒,唔單止係裝飾,
佢味道係酸酸,所以都幫左隻蠔提升味道!!
一般SET LUNCH既甜品可能都係一件和果子或者雪糕,
但呢到係有抹茶,和果子再加丸子,真係太豐富喇。
店家已事先幫你打好左杯抹茶,
不過如果想玩下,都有個掃比你自己再打,真係好細心。
朋友果然無介紹錯,呢到真係好高質又抵食,
所有細節位都見到佢地係有放心思落去,
而且服務好好,好週到,但又唔會過份熱情。
如果大家入到元朗都想搵好野,
呢間我絕對推薦比大家~~
地址: 元朗馬田路14-18號京華閣地下16B號舖
電話: 2881 7387