本身係想叫seafood bag,但因為有一個朋友唔太好海鮮,
所以就決定叫其他野食喇~
先叫個清清地沙律食下先,
D生菜夠新鮮,又爽又甜,
用黎做個starter開下胃口都唔錯~
我同朋友都好鍾意食蟹,
所以就叫左個蟹餅食下,
入面真係好多一絲絲既蟹肉,
因為蟹肉好鮮甜,所以就算炸野都唔會覺得好膩。
另外見到個蟹湯,我地當然要試埋啦~
個湯入面好多料,同埋好多蟹肉,
蟹肉既鮮甜配上蕃茄既酸味同辣辣地既調味,
比起先頭個蟹餅,又係另一番既滋味~
焗飯賣相好吸引,
唔似出面海鮮焗飯得幾粒細細既海鮮。
青口同蝦既質素都唔錯,
加埋個好creamy既汁,配飯食真係一流。
我地點左5成熟,都冇over-cooked。
件扒牛味勁溝,不過肉質就唔算好靚,有少少韌。
其實已經食到好飽,
但係menu見到呢個waffle都係忍唔住ORDER左~
Waffle烘到又脆又熱,加埋雪糕,
對於鍾意甜食既朋友,簡直係享受。
雖然佢最出名係個seafood bag,
但其實其他食物質素都唔差,
同埋分量都幾大,同朋友gathering食就最岩~
地址: 灣仔莊士敦道74-78號一樓及地下C號舖
電話: 2328 8511